14-январ - Ватан химоячилари куни

       Бугун 14-январ юртимизда Ватан ҳимоячилари куни. Бу кун 1993 йил 29-декабрда Ўзбекистон Республикасининг Қонунига биноан "14 январ - Ватан ҳимоячилари куни" деб эълон қилинган.

       Ватанни ҳимоя килиш, уни кўз қорачиғидек асраш-авайлаш юртимизнинг хар бир фарзандини улуғ бурчидир. Ушбу шарафли вазифани мардоновор бажарган фахрий харбийларимиз ва хозирги кунда ҳам Ватанимиз химоясига бел боғлаган қўрқмас, жасур ва ботир харбийларимизни қанча улуғласак, қанча эъзозласак шунча оз.

       Шундай экан бундай довюрак ўз даврида юртимизни даҳлсизлигини таъминлаб Авғон уриши қатнашган бир гурух фахрий харбийларни қутлаш ва табриклаш мақсадида бугун Хива шахар 17-сон умумий ўрта таълим мактабида тадбир бўлиб ўтди. Тадбирда мактаб ўқувчилари фахрий харбийларимизга бағишланган шерълари, ашуллалари, сахна кўринишлари билан қатнашиб уларга бўлган миннатдорчилигини ва хурматини билдирдилар. Тадбирда музейимиз "Ҳунармандчилик тарихи" бўлим мудири Матяқубов Холбек ва катта илмий ходим Раҳимов Фурқат ҳам ўз маърузалари билан фаол қатнашишди.