“Сен –кудрат манбаи, саодат маскани, жонажон Ўзбекистоним!”  шиори остида мамлакатимиз мустақиллигининг 29 йиллигига бағишланган маданий-маърифий тадбирлар жойларда давом этмоқда.

            Ичон-Қалъа давлат музей қўриқхонаси бўлим ва экспозицияларида энг улуғ сана муносабати билан учрашувлар, мулоқот ва давра суҳбатлари ўтказилиб, кўргазмалар ташкил қилинмоқда. Уларда истиқлол йилларида турли соҳалар, шу жумладан маданият соҳаси шунингдек музейлар фаолиятидаги ижобий ўзгаришлар алоҳида тилга олинмоқда.

            Музей-кутубхонасида Президент асарлари ва мустақиллик мавзусидаги илмий, бадиий китоблар кўргазмаси ҳам ташкил этилди.

            Бу хил тадбирлар қатнашчилар ва сайёҳларга байрамона кайфият, фахр-ифтихор ва шукроналик бахш этмоқда.