Кеча 28 январь куни музейимиз "Хоразм маорифи тарихи" бўлим мудири З. Абдуллаева ва бир гурух илмий ходимлар  Ш. Майлиева, П. Болтаева, М. Машариповлар “Ёшлар маънавиятини юксалтиришда ва уларни бўш вақтини мазмунли ташкил этиш бўйича 5 та муҳим ташаббус!” ижроси бўйича: 1-ташаббус ёшларнинг мусиқа, рассомлик, адабиёт, театр ва санъатнинг бошқа турларига қизиқишларини ошириш мақсадида:
       Президент мактабида бўлиб, биринчи президент И. Каримовни хотирлаб “Қалбларга ҳайкалини ўрнатган раҳбар” мавзусида маъруза ўқишди. Шунингдек, тадбир давомида ўқувчиларга  Ичан қалъа музей-қўриқхонаси, Худойберган Деванов доимий фотокўргазмаси, давлат арбоби Саййид Ислом хўжа ва “Хоразм амалий санъати” музейи кўргазмалари ҳақида маълумотлар берилди. Тадбир қизиқарли савол-жавоб тарзида бўлиб ўтди. Айниқса, тадбирнинг 3 тилда (П. Болтаева инглиз тилида, М. Машарипов рус тилида) олиб борилиши барча ўқувчиларда катта қизиқиш уйғотди. Президент мактаби директори Аминов Руфат Шавкатович, педагог тарбиячиси Султанова Зулфия Рашидовна, ёшлар иттифоқи етакчиси Матяқубов Баҳтиёр Маркс ўғли Ичан қалъа давлат музей қўриқхонаси маъмуриятига ўз миннатдорчиликларини билдиришди.