Ўзбекистон Республикаси Қуролли Кучлари ташкил топганлигининг 27 йиллиги ҳамда 14 январъ – Ватан ҳимоячилари куни муносабати билан “Ичан-Қалъа” музей-қуриқхонаси Хива шахар ҳокимлиги, Мудофаа ишлари шахар бўлими ва бошқа тегишли ташкилотлар, муассасалар ҳамкорлигида Хива педагогика коллежида тантанали тадбир ўтказилди. Тадбирда шаҳар фаоллари, ҳарбий хизматчилар, музей-қўриқхона илмий-ходимлари талаба ёшлар  иштироқ этишди. Хива шаҳар Хокими С.Жуманиёзов  тантанали  йиғилиши қатнашчиларини муборакбод этди. Байрам ва харбий ватанпарварлик ойлиги муносабати  билан бир гуруҳ мудофаа ишлари бўлими ходимларига  фахрий ёрлиқлар топширилди. Санъат усталари, ижрочи ёшлар иштироқида байрам концерти намойиш этилди. Шу куни “Ичан-Қалъа” давлат музей-қўриқхонасида “Мардлар қўриқлайди ватанни” мавзусида давра сухбати, суратлар ва китоблар кўргазмаси ташкил этилди. 13 январь куни ҳарбий хизматчилари, “Н”- қисм чегара қўшинлари аскарлари учун “Ичан-Қалъа” музей-қўриқхонасига сайёҳат уюштирилиб, экскурсия хизмати кўрсатилди.