"Ичан-Қалъа" давлат музей-қўриқхонасига қарашли Огаҳий уй-музейи бўлим мудири Гўзалой Юсупова томонидан Хива шаҳар 4-сон ўрта таълим мактабининг 6-А синф ўқувчиларига Миллатлараро бағрикенгликни намойиш (тарғиб) қилувчи "Ўзбекистон -умумий уйимиз" мавзусида кўчма фотокўргазма намойиш   қилинди.

                 Фотокўргазмада Мустақилликнинг дастлабки йилларидан бошлаб  мамлакатимизда бағрикенгликни ва инсонпарварлик маданиятини ривожлантириш, миллатлараро ҳамжиҳатлик ва тотувликни мустаҳкамлаш, барча фуқароларга миллати, дини ва ижтимоий келиб чиқишидан қатъий назар тенг ҳуқуқ ва имкониятлар яратиш давлат сиёсатининг муҳим устувор йўналишларидан бири этиб белгиланганлиги ва "Ўзбекистон - умумий уйимиз" тамойилини амалга ошириш билан бирга, ёшларни миллатчилик ва экстремизм ақидаларига қарши мафкуравий иммунитетга эга, мустақиллик ғояларига содиқ бўлган баркамол авлодни тарбиялашда ҳам муҳим аҳамиятга эгалиги тўғрисида, ҳамда   амалга оширилаётган ҳаракатлар натижасида бугун юртимизда 130 дан ортиқ миллат ва элат, 16 та диний конфессия вакиллари ҳамжиҳатликда, бир оила фарзандидек яшаб, мамлакат тараққиётига ўз муносиб ҳиссаларини  қўшиб келмоқдалар.

                 Шунингдек, 143 та миллий-маданий марказларнинг самарали фаолияти ҳақида ҳамда Мустақиллик байрамига бағишлаб ўтказилалиган "Ўзбекистон-умумий уйимиз", "Бизнинг кучимиз-бирлик ва ҳамжиҳатликда" каби фестиваллар миллатлараро дўстлик ришталарини янада мустаҳкамланишига катта хизмат қилмоқда. Бугун кунда Хоразм вилоятида 30 га яқин миллат вакиллари аҳил-иноқ истиқомат қилиб, барчамиз учун ягона бўлган жонажон Ватанимиз равнақи йўлида сидқидилдан хизмат қилиб келаётганликлари ва мана шундай муҳташам "Дўстлик ва Нодавлат нотижорат ташкилотлар уйи" нинг биринчи бўлиб Урганч шахрида очилиши вилоятда истиқомат қилаётган барча миллат вакилларини беҳад қувонтирганлиги ва бу ерда миллий маданий марказларнинг янада самарали фаолият юритиши учун барча шароитлар яратилганлиги тўғрисида маълумотлар берилди.